നിയമസഭ സ്പീക്കര്‍ എ.എന്‍ ഷംസീറിന്റെ പ്രസംഗത്തില്‍ തെറ്റില്ലെന്ന് വിലയിരുത്തി സിപിഎം കേന്ദ്രം നേതൃത്വം. ഷംസീറിന്റെ പ്രസംഗത്തില്‍ ഇനി ചര്‍ച്ച വേണ്ടെന്നുമാണ് സി.പി.എം നിലപാട്. ഡല്‍ഹിയില്‍ നടന്ന പാര്‍ട്ടി കേന്ദ്ര കമ്മിറ്റി യോഗത്തിലാണ് ഇത്തരമൊരു നിലപാട് സിപിഎം സ്വീകരിച്ചത്.
ചര്‍ച്ചയുമായി മുന്നോട്ടുപോയാല്‍ അത് രാഷ്ട്രീയമായും സാമൂഹികമായും ഭിന്നിപ്പുണ്ടാക്കാന്‍ സാധ്യതയുണ്ട്. വിവാദത്തില്‍ വര്‍ഗീയ മുതലെടുപ്പിനാണ് ബി.ജെ.പി ശ്രമിക്കുന്നതെന്നും സി.പി.എം വിലയിരുത്തി. അതേസമയം, ഷംസീറിന്റെ പ്രസംഗത്തില്‍ യാതൊരു തെറ്റുമില്ലെന്നാണ് പാര്‍ട്ടി വിലയിരുത്തല്‍. വിശ്വാസികള്‍ക്കെതിരയോ വിശ്വാസം ഹനിക്കുന്ന രീതിയിലോ ഷംസീര്‍ ഒന്നും പറഞ്ഞി?ട്ടില്ലെന്നാണ് സി.പി.എം കേന്ദ്രകമ്മിറ്റിയുടെ വിലയിരുത്തല്‍.