യോഗിയുടെ ഉത്തർപ്രദേശിലെ മീറത്തിൽ ചെറിയ പെരുന്നാൾ നിസ്കാരത്തിനിടെ ഗതാഗത തടസ്സമുണ്ടാക്കിയെന്ന് ആരോപിച്ച് 200 പേർക്കെതിരെ കേസ്. പള്ളി നിറഞ്ഞുകവിഞ്ഞതിനാൽ റോഡിൽ നിസ്കരിച്ചവർക്കെതിരെയാണ് കേസെടുത്തത്.
സബ് ഇൻസ്പെക്ടറുടെ പരാതിയിലാണ് കേസ്. നിസ്കരിച്ചതിനെ തുടർന്ന് റോഡിൽ ഗതാഗതക്കുരുക്കുണ്ടായതായും ഇതു തടഞ്ഞപ്പോൾ പൊലീസുമായി വാക്കേറ്റമുണ്ടായതായും സീനിയർ പൊലീസ് സൂപ്രണ്ട് രോഹിത് സിങ് സജ്വാൻ പറഞ്ഞു.