മോഷ്ടാവെന്നാരോപിച്ച് മര്‍ദിച്ച മനോവിഷമത്തില്‍ ആത്മഹത്യചെയ്ത വയനാട് സ്വദേശി വിശ്വനാഥന്‍ എന്ന ആദിവാസിയുവാവിന്റെ കുടുംബം പട്ടിണിയില്‍. ദിവസവും പണിക്ക് പോയിട്ടാണ് അരിവാങ്ങിക്കുന്നതെന്നും സംസ്ഥാന പട്ടികജാതി വകുപ്പ് പ്രഖ്യാപിച്ച രണ്ടുലക്ഷം രൂപ ഇതുവരെ കിട്ടിയില്ലെന്നും വിശ്വനാഥന്‍െ കുടുംബം പറഞ്ഞു. ഫെബ്രുവരി പത്തിനാണ് യുവാവിനെ തൂങ്ങിമരിച്ചനിലയില്‍ കണ്ടെത്തിയത്. മോഷ്ടാവെന്നാരോപിച്ച് മര്‍ദിച്ചതിലെ വിഷമമാണ് ആത്മഹത്യക്ക് കാരണം. പോസ്റ്റ്‌മോര്‍ട്ടം റിപ്പോര്‍ട്ട് വാങ്ങാന്‍പോലും പോകാന്‍ പണമില്ലെന്ന് ബന്ധുക്കള്‍ പറയുന്നു. ഭാര്യയുടെ പ്രസവത്തിന് കോഴിക്കോട് മെഡിക്കല്‍ കോളജ് ആശുപത്രിയില്‍ പോയ സമയത്താണ് മര്‍ദനമേറ്റത്.