അഗര്‍ത്തല: കോണ്‍ഗ്രസ്-സി.പി.എം സഖ്യവും ബി.ജെ. പിയും തിപ്രമൊതയും തമ്മില്‍ ത്രികോണ മത്സരം നടക്കുന്ന ത്രിപുരയില്‍ മത്സര രംഗത്തുള്ള 259 പേരില്‍ 45 പേരും കോടിപതികള്‍. ഇത്തവണ സംസ്ഥാന നിയമസഭയിലേക്ക് മത്സരിക്കുന്ന സ്ഥാനാര്‍ത്ഥികളുടെ ശരാശരി സമ്പത്ത് 86.37 ലക്ഷമാണ്.
2018ല്‍ ഇത് 46.92 ലക്ഷം ആയിരുന്നു. ബി.ജെ.പിയുടെ 55 സ്ഥാനാര്‍ത്ഥികളുടെ ശരാശരി സമ്പത്ത് 1.86 കോടി രൂപയാണ്. കോണ്‍ഗ്രസിന്റെ 13 സ്ഥാനാര്‍ത്ഥികളുടേത് 2.2 കോടിയും സി.പി.എമ്മിന്റെ 43 സ്ഥാനാര്‍ത്ഥികളുടേത് 53.94 ലക്ഷവും ഗോത്ര വിഭാഗക്കാരുടെ പാര്‍ട്ടിയായ തിപ്രമോതയുടേത് 78.57 ലക്ഷവുമാണ്. ബി.ജെ.പിയുടെ 17 സ്ഥാനാര്‍ത്ഥികളും കോണ്‍ഗ്രസിന്റെ 13 പേരും സി.പി.എമ്മിന്റെ 43 സ്ഥാനാര്‍ത്ഥികളും കോടിപതികളാണ്.