തിരുവനന്തപുരം മൃഗശാലയിൽ നിന്ന് അക്രമസ്വഭാവമുള്ള ഹനുമാൻ കുരങ്ങ് പുറത്ത് ചാടി; ജാഗ്രതാ നിർദ്ദേശം

തിരുവനന്തപുരം മൃഗശാലയിൽ നിന്ന് അക്രമസ്വഭാവമുള്ള ഹനുമാൻ കുരങ്ങ് പുറത്ത് ചാടി. അക്രമ സ്വഭാവമുള്ളതിനാൽ പ്രദേശത്ത് ജാഗ്രതാ നിർദ്ദേശം നൽകി. പുതിയതായെത്തിച്ച ഹനുമാൻ കുരങ്ങാണ് കൂടിന് പുറത്ത് ചാടിയത്. കൂട് തുറന്ന് പരീക്ഷണം നടത്തിയപ്പോഴാണ് കുരങ്ങ് ചാടിപ്പോയത്. തിരച്ചിൽ ആരംഭിച്ചു. പുതിയതായി എത്തിയ മൃഗങ്ങളെ കൈകാര്യം ചെയ്യുന്നതിൽ മൃഗശാല അധികൃതർക്ക് ഗുരുതര വീഴ്ചയുണ്ടായെന്നാണ് വിലയിരുത്തൽ. ജീവനക്കാർ മൃഗങ്ങളെ അശ്രദ്ധമായി കൈകാര്യം ചെയ്തു. ഹനുമാൻ കുരങ്ങിന് 15 ദിവസത്തെ കോറന്റൈൻ വേണമെന്ന നിർദ്ദേശവും പാലിച്ചില്ലെന്നാണ് വിവരം.