ശംസുദ്ദീന്‍ വാത്യേടത്ത്
ജീവന്റെ നിലനില്‍പ്പിനുപോലും ഭീക്ഷണിയാണ് കാലാവസ്ഥ വ്യതിയാനം. കാലാവസ്ഥ വ്യതിയാനം തടയാനായി കഴിഞ്ഞ വര്‍ഷം സ്‌കോട്ട്‌ലാന്‍ഡിലെ ഗ്ലാസ്‌കോയില്‍ നടത്തിയ ഉച്ചകോടിയിലെ തീരുമാനങ്ങളുടെ ഫലപ്രാപ്തി അവലോകനം ചെയ്യുകയും പുതിയ കര്‍മപദ്ധതികള്‍ ആവിഷ്‌കരിച്ച് നടപ്പാക്കുകയും ചെയ്യുക എന്ന ലക്ഷ്യേത്തോടെയാണ് യു.എന്‍ കാലാവസ്ഥ ഉച്ചകോടി ഇത്തവണ നടക്കുന്നത്. പ്രപഞ്ചം അപകട സൂചന നല്‍കുന്നുവെന്ന മുന്നറിയിപ്പുമായാണ് ഈജിപ്തിലെ അല്‍ സലാം ഷാം അല്‍ ഷെയ്ഖ് ഇന്റര്‍നാഷണന്‍ കണ്‍വെന്‍ഷന്‍ സെന്ററില്‍ 120 ലേറെ രാഷ്ട്ര നേതാക്കള്‍ പങ്കെടുക്കുന്ന സി.ഒ.പി 27 എന്ന കാലാവസ്ഥ ഉച്ചകോടി നടക്കുന്നത്. കാലാവസ്ഥ വ്യതിയാനം എന്ന ആഗോള വെല്ലുവിളിയെ ഫലപ്രദമായി നേരിടാനുള്ള വലിയൊരു ശ്രമം കൂടിയാണ് ഈ ഉച്ചകോടി.
കാലാവസ്ഥാ വ്യതിയാനത്തെ ഇനിയും കാര്യമായി കണ്ടില്ലെങ്കില്‍ അപകടങ്ങളുടെ തോത് നിയന്ത്രണാതീതമാകുമെന്ന് ബ്രിട്ടീഷ് സര്‍ക്കാര്‍ ശാസ്ത്ര വിഭാഗം മേധാവിയായിരുന്ന പ്രൊഫ. ജോണ്‍ബ്രിട്ടണ്‍ 2012 ല്‍ അന്തരീക്ഷത്തിലെ കാര്‍ബന്റെ അന്നത്തെ അളവ് കണക്കിലെടുത്ത് മുന്നറിയിപ്പ് നല്‍കിയിരുന്നു. അടുത്ത 25 വര്‍ഷം പ്രളയത്തിന്റെയും വരള്‍ച്ചയുടേതും ആകുമെന്നും അനന്തരഫലം ഭയാനകരമായിരിക്കുമെന്നും ജോണ്‍ ബ്രിട്ടണ്‍ മുന്നറിയിപ്പില്‍ പറഞ്ഞിരുന്നു.
കാലാവസ്ഥാ വ്യതിയാനത്തിനെതിരെ പോരാടുന്നതില്‍ ലോകം ഗൗരവമുള്ളതാണോ? എന്ന ചോദ്യം 1992ലെ റിയോ എര്‍ത്ത് ഉച്ചകോടി മുതല്‍ കാലാവസ്ഥാ വ്യതിയാന ചര്‍ച്ചകളെ വേട്ടയാടിയിട്ടുണ്ട്. ഈജിപ്തില്‍ സമാപിക്കാനിരിക്കുന്ന 27ാമത് കോണ്‍ഫറന്‍സില്‍ ഇത്‌സംബന്ധിച്ച് ചര്‍ച്ച നടന്നതായാണ് വിവരം. ഏറ്റവും മോശമായ ഭൗമരാഷ്ട്രീയ പിരിമുറുക്കങ്ങള്‍ക്കിടയിലാണ് സി.ഒ.പി 27 നടക്കുന്നത്.
യുക്രെയ്ന്‍ യുദ്ധം ഊര്‍ജ പ്രതിസന്ധി സൃഷ്ടിച്ചുകൊണ്ട് ലോകമെമ്പാടുമുള്ള ഹരിതഗൃഹ വാതക ഉത്‌വമന ലക്ഷ്യങ്ങളെ പിന്നോട്ടടിപ്പിച്ചു. അതേസമയം ജീവിതച്ചെലവ് ആഗോളതലത്തില്‍ ആഴത്തിലുള്ള സാമ്പത്തിക മാന്ദ്യത്തിനിടയില്‍ കുതിച്ചുയരുകയും ചെയ്യുന്നു. എന്നാല്‍ കാലാവസ്ഥാ ദുരന്തത്തിന്റെ ഗുരുത്വാകര്‍ഷണം വേണ്ടത്ര ഊന്നിപ്പറയാനാവില്ല. സെപ്തംബറില്‍ സയന്‍സ് പ്രസിദ്ധീകരിച്ച പഠനം പറയുന്നത് ഉയരുന്ന താപനില കാരണം ഭൂമി ഇതിനകം അഞ്ച് അപകടകരമായ ടിപ്പിംഗ് പോയിന്റുകളിലൂടെ ഫോസില്‍ ഇന്ധനത്തിന്റെ ഉപയോഗം കുറയ്ക്കാനുള്ള കഴിവില്ലായ്മ കണക്കിലെടുത്ത് ആഗോള ഇടപെടലിന്റെ ഭൂരിഭാഗവും കാര്‍ബണ്‍ ഓഫ്‌സെറ്റ് സ്‌കീമുകളില്‍ ശ്രദ്ധ കേന്ദ്രീകരിച്ചിരിക്കുന്നു എന്ന്.
വന്‍തോതിലുള്ള മരം നടീല്‍ കാലാവസ്ഥാ വ്യതിയാനത്തെ നേരിടാന്‍ ആവശ്യമായ പുറന്തള്ളല്‍ കുറയ്ക്കുന്നതിന്റെ 37 ശതമാനം വരെ പ്രകൃതിയെ അടിസ്ഥാനമാക്കിയുള്ള മറ്റ് പരിഹാരങ്ങള്‍ക്കൊപ്പം വനങ്ങളുടെ സംരക്ഷണത്തിന് കഴിയുമെന്നതാണ് വിദഗ്ധര്‍ പറയുന്നത്. എന്നാല്‍ സ്വാഭാവികമായി സംരക്ഷിച്ചിരിക്കുന്ന വനങ്ങള്‍ കനംകുറഞ്ഞ വിഭവം നട്ടുപിടിപ്പിച്ചതിനേക്കാള്‍ 40 ശതമാനം കൂടുതല്‍ ഫലപ്രദമാണ് എന്നും ചൂണ്ടികാട്ടുന്നു. വനവത്കരണം നിലനിര്‍ത്താനുള്ള വെള്ളം എവിടെ നിന്ന് ലഭിക്കും എന്നതാണ് നയപരമായ സംഭാഷണങ്ങളില്‍നിന്ന് പലപ്പോഴും കാണാത്ത പ്രസക്തമായ മറ്റൊരു ചോദ്യം.
ഇന്ത്യയും മറ്റ് വികസ്വര രാജ്യങ്ങളും നിയന്ത്രണങ്ങള്‍ക്കായി ഏതെങ്കിലുമൊരു ഫോസില്‍ ഇന്ധനത്തെ ഒറ്റപ്പെടുത്തുന്നതില്‍നിന്ന് മനസ്സിലാക്കാവുന്നതേയുള്ളൂ. വഷളായിക്കൊണ്ടിരിക്കുന്ന ഗ്രഹ കാലാവസ്ഥാ പ്രതിസന്ധിക്കെതിരെ പോരാടുന്നതില്‍ നിര്‍ണായക പങ്ക് വഹിക്കുന്ന ഏറ്റവും വലിയ സമ്പദ്‌വ്യവസ്ഥകളിലൊന്ന് എന്ന നിലയില്‍, ആഗോള കാലാവസ്ഥാ ചര്‍ച്ചകളില്‍ ഇന്ത്യ സന്തുലിത പ്രവര്‍ത്തനത്തിന്റെ സാധ്യതകളെ അഭിമുഖീകരിക്കുന്നു. കാലാവസ്ഥാ വ്യതിയാന ഭീഷണികളെ നേരിടാന്‍ വികസ്വര രാജ്യങ്ങള്‍ക്ക് ദീര്‍ഘകാലമായി വാഗ്ദത്തം ചെയ്ത ധനസഹായം നല്‍കാന്‍ വികസിത രാജ്യങ്ങളുടെ ‘നടപടി’ വേണമെന്ന് സി.ഒ.പി 27 യില്‍ ആവശ്യപ്പെടുമെന്ന് കരുതുന്നു.
ആഗോള താപനത്തെക്കുറിച്ചുള്ള കോഴ്‌സ് തിരുത്തല്‍ എഞ്ചിനിയറിംഗ് ചെയ്യാന്‍ ലോകത്തിന് മറ്റൊരു അവസരം സി.ഒ.പി 27 വാഗ്ദാനം ചെയ്യുന്നു. ഇതില്‍ ശാസ്ത്രജ്ഞര്‍ എന്ത് കാണുന്നു എന്നത് പ്രസക്തമാണ്. ആഗോളതാപനത്തില്‍ നിന്നുള്ള നഷ്ടത്തിനും നാശനഷ്ടങ്ങള്‍ക്കും എങ്ങനെ പണം നല്‍കാമെന്നും ഉദ്‌വമനം കുറയ്ക്കുന്നതിനുള്ള പ്രതിജ്ഞകള്‍ എങ്ങനെ ശക്തിപ്പെടുത്താമെന്നും രാജ്യങ്ങള്‍ പിടിമുറുക്കും. ജെഫ് ടോലെഫ്‌സ യു.കെയിലെ ഗ്ലാസ്‌ഗോയില്‍ നടന്ന നാഴികക്കല്ലായ ഉച്ചകോടിയില്‍ ആഗോള നേതാക്കള്‍ കാലാവസ്ഥാ പ്രതിജ്ഞകള്‍ പുതുക്കിയിട്ട് ഒരു വര്‍ഷമാകുന്നു. എന്നാല്‍ അന്നത്തെ തീരുമാനങ്ങള്‍ എത്ര മാത്രം ഓരോ രാജ്യങ്ങളും നടപ്പാക്കാന്‍ ശ്രമിച്ചു എന്നതും പ്രസക്തമാണ്.
പ്രപഞ്ചത്തിന് ആകാശം, വായു, അഗ്‌നി, ജലം, ഭൂമി എന്നിങ്ങനെ അഞ്ച് ഘടകങ്ങളാണുള്ളത്. പഞ്ചഭൂതങ്ങള്‍ എന്ന ചുരുക്ക പേരില്‍ അറിയപ്പെടുന്ന ഇവയുടെ ഒരുമിച്ചുള്ള പ്രവര്‍ത്തനങ്ങളില്‍ കൂടിയാണ് ഭൂമിയില്‍ കാണുന്ന മനുഷ്യര്‍, പക്ഷിമൃഗാദികള്‍, വൃക്ഷലദാദികള്‍, ഏക കോശ ജീവികള്‍, ബാക്ടീരിയകള്‍, പ്രാണികള്‍, കൃമികീടങ്ങള്‍ എല്ലാം തന്നെ നിലനില്‍ക്കുന്നത്. പഞ്ചഭൂതങ്ങള്‍ ശരിയായ അളവില്‍ ഉള്‍കൊള്ളുക എന്നതാണ് പ്രകൃതി നിയമം. പ്രകൃതി സംരക്ഷണം ജീവന്റെ നിലനില്‍പ്പിന് അനിവാര്യമായ ഘടകമാണ്. പ്രകൃതി നിയമത്തില്‍ അപാകത പരിസ്ഥിതി ആവാസ വ്യവസ്ഥയെ തന്നെ താളം തെറ്റിക്കും. ഇത്മൂലം വന്‍ ദുരന്തങ്ങള്‍ നേരിടേണ്ടി വരുമെന്നാണ് ജോണ്‍ ബ്രിട്ടന്റെ മുന്നറിയിപ്പിന്റെ ചുരുക്കം. ആഗോള തലത്തില്‍ ഈ മുന്നറിയിപ്പ് പല രാജ്യങ്ങളിലും നടന്ന് കഴിഞ്ഞു എന്നതാണ് വസ്തുത.
കാര്‍ബണ്‍ പാളിയുടെ ഭാരം ഭൂമിക്ക് ശ്വാസം മുട്ടിക്കുന്ന അവസ്ഥയാണെന്നും ഊഷ്മാവിന്റെ വ്യതിയാനവും മഴയുടെ തോത് കുറവും ആഗോള താപമാന നില വര്‍ധിക്കാനുള്ള കാരണമാണെന്നും 2 ഡിഗ്രി സെല്‍ഷ്യസ് എങ്കിലും താപ നില കുറക്കാനുള്ള ശ്രമം ഒന്നിച്ച് എല്ലാ രാജ്യങ്ങളും എടുക്കണമെന്ന് പലപ്പോഴും മുന്നറിയിപ്പ് ഉണ്ടായിട്ടുണ്ട്. ആഗോള താപനവും സമുദ്രനിരപ്പ് ഉയരുന്നതും ഗൗരവത്തിലെടുക്കണമെന്ന് യു.എന്‍ സെക്രട്ടറി ജനറല്‍ ആന്റോണിയോ ഗുട്ടറസ് കാലാവസ്ഥ ഉച്ചകോടിയുടെ മുന്നോടിയായി പറഞ്ഞിരുന്നു.