ഓസ്റ്റിന്‍: കൊറോണ വൈറസിനെ പ്രതിരോധിക്കുന്നതിന് ഫൈസര്‍ ഉല്പാദിപ്പിച്ച കോവിഡ് വാക്‌സിന്‍ സ്വീകരിച്ചവരില്‍നിന്നു മറ്റുള്ളവരിലേക്ക് വൈറസ് വ്യാപിക്കാന്‍ സാധ്യതയുള്ളതായി ആരോഗ്യവകുപ്പധികൃതര്‍ മുന്നറിയിപ്പു നല്‍കി.
ടെക്‌സാസ്-മെക്‌സിക്കോ അതിര്‍ത്തിയില്‍ കനത്ത തോതില്‍ കൊറോണ വൈറസ് വ്യാപനം ഉണ്ടായത് ഹിസ്പാനിക് വിഭാഗത്തിനാണ്.
കോവിഡ് വാക്‌സിന്‍ സ്വീകരിക്കുന്നതിലൂടെ സ്വയം രോഗപ്രതിരോധശക്തി വര്‍ധിപ്പിക്കുന്നതിനും മറ്റുള്ളവരുടെ ആരോഗ്യത്തെ സംരക്ഷിക്കുന്നതിനും കഴിയും. സാധാരണക്കാരായവര്‍ക്ക് ഈ വാക്‌സിന്‍ പെട്ടെന്ന് ലഭിക്കുന്നതിനുള്ള സാധ്യതകള്‍ വിരളമാണ്. അവര്‍ ഇനിയും കാത്തിരിക്കേണ്ടി വരും.
കോവിഡ് വാക്‌സിന്‍ നല്‍കുന്നതിന് മുന്‍ഗണന ലഭിച്ചിരിക്കുന്നത് ഫ്രണ്ട്‌ലൈന്‍ വര്‍ക്കേഴ്‌സിനാണ്. അവരുടെ ജീവന്‍ സംരക്ഷിക്കുന്നതിലൂടെ മറ്റു നിരവധി പേരുടെ ജീവന്‍ സംരക്ഷിക്കുവാന്‍ കഴിയും. കോവിഡ് വ്യാപിച്ചതിനുശേഷം ഇതുവരെ രാജ്യത്താകമാനം ആയിരത്തിലധികം ആരോഗ്യവകുപ്പ് പ്രവര്‍ത്തകര്‍ക്ക് ജീവന്‍ നഷ്ടമായിട്ടുണ്ട്.
വാക്‌സിന്‍ ലഭിച്ചവര്‍ മാസ്‌ക് ധരിക്കേണ്ടതും സാമൂഹികാകലം പാലിക്കേണ്ടതാണെന്നുമാണ് അധികൃതര്‍ അറിയിച്ചിട്ടുണ്ട്.