മലപ്പുറം: വളാഞ്ചേരി വെട്ടിച്ചിറയില്‍ നിന്ന് കഴിഞ്ഞ മാസം ദുരൂഹസാഹചര്യത്തില്‍ കാണാതായ യുവതിയെ ഇതുവരെ കണ്ടെത്താനായില്ല. മാര്‍ച്ച് പത്തിനാണ് സുബീറ ഫര്‍ഹത്ത് എന്ന 21-കാരിയെ കാണാതായത്. വീട്ടില്‍ നിന്ന് രാവിലെ സ്വകാര്യ ദന്താശുപത്രിയിലേക്ക് ജോലിക്കു പോയതായിരുന്നു. ജോലിക്കെത്താത്തതിനെ തുടര്‍ന്ന് ആശുപത്രി അധികൃതര്‍ വിവരം അറിയിച്ചതിനു പിന്നാലെ തന്നെ വീട്ടുകാര്‍ അന്വേഷണം തുടങ്ങിയിരുന്നു.
പത്തരവരെ പ്രവര്‍ത്തിച്ചിരുന്ന മൊബൈല്‍ഫോണ്‍ പിന്നീട് സ്വിച്ചിഡ് ഓഫും ആയി.വളാഞ്ചേരി പൊലീസ് അന്വേഷിച്ചെങ്കിലും ഫലമുണ്ടായില്ല. തിരോധാനത്തില്‍ ദുരൂഹത കൂടി വന്നതോടെ അന്വേഷണ സംഘത്തെ പൊലീസ് വിപുലീകരിച്ചു.എന്നിട്ടും സുബീറ ഫര്‍ഹത്തിനെ കണ്ടെത്താനായില്ല.
പൊലീസിന്റെ അന്വേഷണത്തില്‍ തൃപ്തരല്ലാത്ത കുടുംബം അന്വേഷണം ക്രൈംബ്രാഞ്ചിന് കൈമാറണമെന്നാണ് ആവശ്യപ്പെടുന്നത്.