തൃശ്ശൂരില്‍ കൈക്കൂലി വാങ്ങുന്നതിനിടെ വില്ലേജ് എക്സ്റ്റന്‍ഷന്‍ ഓഫീസര്‍ വിജിലന്‍സ് പിടിയില്‍. മതിലകം ബ്ലോക്കിന്റെ കീഴിലുള്ള വില്ലേജ് എക്സ്റ്റന്‍ഷന്‍ ഓഫീസര്‍ പി ആര്‍ വിഷ്ണുവാണ് കൈക്കൂലി വാങ്ങുന്നതിനിടെ വിജിലന്‍സ് പിടികൂടിയത്. ഇന്നുച്ചയോടെ ആയിരം രൂപ കൈക്കൂലി വാങ്ങവെയ്യാണ് വിജിലന്‍സ് സംഘം കയ്യോടെ അറസ്റ്റ് ചെയ്തത്.
കൈപ്പമംഗലം ഗ്രാമപഞ്ചായത്തിലെ ഒമ്പതാം വാര്‍ഡിലെ അംഗവും പരാതിക്കാരനുമായ ഷെഫീക്കിന്റെ വാര്‍ഡില്‍ പെട്ട ഷഹര്‍ബാന്‍ എന്നയാള്‍ക്ക് സാമ്പത്തിക വര്‍ഷത്തില്‍ അനുവദിച്ച 25000 രൂപ പണം അനുവദിക്കണമെങ്കില്‍ 1000 കൈക്കൂലിയായി ആവശ്യപ്പെടുകയായിരുന്നു.
ഷഹര്‍ബാന്‍ വിവരം പഞ്ചായത്ത് അംഗത്തെ അറിയിച്ചു. തുടര്‍ന്നാണ് പഞ്ചായത്ത് അംഗം വഴി വിജിലന്‍സ് എത്തി കയ്യോടെ പിടികൂടിയത്.