ഉത്തരരേന്ത്യയില്‍ കനത്തമഴ തുടരുന്നു. ഹിമാചല്‍ പ്രദേശ്, ഉത്തരാഖണ്ഡ്, ജമ്മു കശ്മീര്‍, ഡല്‍ഹി എന്നിവിടങ്ങളില്‍ ജാഗ്രത. മിന്നല്‍ പ്രളയമുണ്ടായ ഹിമാചലിലെ കുളുവിലും മണാലിയിലും ജനജീവിതം ദുരിതത്തില്‍. ഹിമാചല്‍പ്രദേശില്‍ മലയാളി യുവാക്കള്‍ ഒറ്റപ്പെട്ടു. മണാലിക്ക് സമീപം തോഷിലാണ് വര്‍ക്കല സ്വദേശി യാക്കൂബും കൊല്ലം സ്വദേശി സെയ്ദലിയും കുടുങ്ങിയത്. ഇന്നലെ രാവിലെ മുതല്‍ ഫോണിലും ബന്ധപ്പെടാനായിട്ടില്ല.
ഡല്‍ഹിയില്‍ ഉള്‍പ്പെടെ അവധി പ്രഖ്യാപിച്ചു. 700 റോഡുകള്‍ അടച്ചു. നാല് പതിറ്റാണ്ടിനിടയിലെ ഏറ്റവുംവലിയ മഴ പെയ്യുന്ന ഡല്‍ഹിയില്‍ വെള്ളക്കെട്ട് തുടരുന്നു. രാത്രി വൈകിയും വലിയ ഗതാഗതക്കുരുക്കാണ്. ഡല്‍ഹി, നോയിഡ, ഗുരുഗ്രാം എന്നിവിടങ്ങളില്‍ സ്‌കൂളുകള്‍ക്ക് ഇന്ന് അവധി പ്രഖ്യാപിച്ചു. ഗാസിയാബാദില്‍ ഇനി സ്‌കൂള്‍ തുറക്കുക ബുധനാഴ്ച മാത്രം. നോര്‍ത്തേണ്‍ റെയില്‍വേ നിരവധി ട്രെയിനുകള്‍ റദ്ദാക്കി. ലഡാക്കില്‍ കനത്ത മഴയ്ക്ക് പുറമെ മഞ്ഞുവീഴ്ചയുമുണ്ട്. പഞ്ചാബ് ഹരിയാന എന്നിവിടങ്ങളിലും മഴക്കെടുതി രൂക്ഷമാണ്.