മുംബൈ: കഷണ്ടിയാണെന്ന കാര്യം മറച്ചുവെച്ച് വിവാഹം കഴിച്ച യുവാവിനെതിരെ ഭാര്യ വിശ്വാസവഞ്ചനക്ക് പൊലീസില്‍ പരാതി നല്‍കി. നവ്യാനഗര്‍ പൊലീസിനാണ് പരാതി ലഭിച്ചത്.
സ്വകാര്യകമ്പനിയിലെ ജീവനക്കാരനായ 29-കാരനെതിരെയാണ് ചാര്‍ട്ടേഡ് അക്കൗണ്ടന്റായ ഭാര്യ പരാതി നല്‍കിയത്. കഴിഞ്ഞ മാസമാണ് ഇരുവരുടെയും വിവാഹം കഴിഞ്ഞത്. എന്നാല്‍ വിവാഹത്തിന് ശേഷമാണ് യുവാവിന് തലയില്‍ മുടിയില്ലെന്ന കാര്യം ഭാര്യ അറിഞ്ഞത്.
വിവാഹത്തിന് മുമ്പ് ഇക്കാര്യം ഇയാള്‍ തുറന്നുപറഞ്ഞിരുന്നില്ല. ഇതാണ് യുവതിയെ പ്രകോപിപ്പിച്ചത്. ഭാര്യ പരാതി നല്‍കിയതോടെ മുന്‍കൂര്‍ ജാമ്യത്തിനായുള്ള ഓട്ടത്തിലാണ് ഭര്‍ത്താവ്.