ലൈംഗികപീഡന കേസിൽ ബി.ജെ.പി എം.പിയും ദേശീയ ഗുസ്തി ഫെഡറേഷൻ അധ്യക്ഷനുമായ ബ്രിജ് ഭൂഷൺ സിംഗിന്റെ അറസ്റ്റ് വൈകുന്നതിൽ പ്രതിഷേധിച്ച് പാർലമെന്റിന് മുന്നിൽ വനിതാ ഖാപ് പഞ്ചായത്ത് നടത്താൻ ഒരുങ്ങി പഞ്ചാബ്, ഹരിയാന, രാജസ്ഥാൻ, യു.പി സംസ്ഥാനങ്ങളിലെ കർഷകർ. പുതിയ പാർലമെന്റ് മന്ദിരത്തിന്റെ ഉത്ഘാടനം നടക്കുന്ന ഞായറാഴ്ച്ച ഖാപ് പഞ്ചായത്ത് നടത്തുമെന്നാണ് പ്രഖ്യാപനം. ഇത് കണക്കിലെടുത്ത് ദൽഹി പോലീസ് സുരക്ഷ ശക്തമാക്കി.ഡൽഹിയിലേക്ക് പ്രവേശിക്കുന്ന അതിർത്തികളിലെ എല്ലാ റോഡുകളിലും പരിശോധന ഊർജ്ജിതമാക്കി പാർലമെന്റിന് സമീപത്തേക്ക് പരിശോധിച്ചു മാത്രം കടത്തിവിടാനാണ് തീരുമാനം.