ബംഗളൂരു: കര്‍ണാടക മുഖ്യമന്ത്രി ബിഎസ് യെദ്യൂരപ്പയുടെ പൊളിറ്റിക്കല്‍ സെക്രട്ടറി ആത്മഹത്യക്ക് ശ്രമിച്ചു. വീട്ടില്‍ വച്ച് ഉറക്ക ഗുളിക കഴിച്ചായിരുന്നു ആത്മഹത്യാ ശ്രമം. ഉടന്‍ തന്നെ അദ്ദേഹത്തെ എംഎസ് രാമയ്യ ആശുപത്രിയില്‍ പ്രവേശിപ്പിച്ചു.
സന്തോഷ് ആത്മഹത്യക്ക് ശ്രമിച്ചതിന്റെ കാരണം വ്യക്തമല്ല. നിലവില്‍ ആശുപത്രിയില്‍ ചികിത്സയില്‍ കഴിയുകയാണ്. കുടുംബത്തിനും ആത്മഹത്യ ചെയ്ത കാരണത്തെ പറ്റി വ്യക്തതയില്ല.
എന്നാല്‍ സംഭവത്തില്‍ പ്രതികരിച്ച് യെദ്യൂരപ്പെ രംഗത്തെത്തി. ആശങ്കപ്പെടാന്‍ ഒന്നുമില്ലെന്ന് അദ്ദേഹം അറിയിച്ചു. ഉറക്ക ഗുളിക കഴിച്ചതിന്റെ ആലസ്യം സന്തോഷിനുണ്ടെന്നും ആത്മഹത്യക്കു ശ്രമിച്ചതിന്റെ കാരണം സന്തോഷ് തന്നെ വ്യക്തമാക്കുമെന്നും യെദ്യൂരപ്പ അറിയിച്ചു.