യൂത്ത് കോണ്‍ഗ്രസ് സംസ്ഥാന അധ്യക്ഷന്‍ രാഹുല്‍ മാങ്കൂത്തിലിന്റെ അറസ്റ്റില്‍ പ്രതിഷേധിച്ച് യൂത്ത് കോണ്‍ഗ്രസ് പ്രവര്‍ത്തകര്‍ കലക്ടറേറ്റിലേക്കു നടത്തിയ മാര്‍ച്ചില്‍ സംഘര്‍ഷം. നഗരസഭ മന്ദിരത്തിലേക്ക് ഇരച്ചു കയറിയ പ്രവര്‍ത്തകരെ പൊലീസ് തടഞ്ഞു. നഗരസഭ മന്ദിരത്തിലേക്ക് മാര്‍ച്ച് നടത്തിയ പ്രവര്‍ത്തകര്‍ക്കു നേകെ പൊലീസ് ലാത്തിവീശുകയും തല്ലിച്ചതയ്ക്കുകയും ചെയ്തു. യൂത്ത് കോണ്‍ഗ്രസ് ജില്ലാ പ്രസിഡന്റ് പ്രവീണിനെ പൊലീസ് വളഞ്ഞിട്ടു തല്ലി. ഗുരുതരമായ പരിക്കേറ്റ പ്രവീണിനെ കൂടെയുണ്ടായിരുന്നവര്‍ ആശുപത്രിയിലെത്തിച്ചു. വനിതാപ്രവര്‍ത്തകര്‍ക്കും പരിക്കേറ്റിട്ടുണ്ട്.
പ്രതിഷേധിക്കുന്നവരെയെല്ലാം അടിച്ചമര്‍ത്തുന്ന നിലപാടാണ് പിണറായിയുടെ പൊലീസ് സ്വീകരിക്കുന്നത്. സ്ത്രീകളെയും പൊലീസ് വെറുതെ വിട്ടിട്ടില്ല. സ്ത്രീകള്‍ക്കെതിരെയും പൊലീസിന്റെ അതിക്രമം ഉണ്ടായി. പ്രതിഷേധിക്കാനൊ പ്രതികരിക്കാനൊ പാടില്ലെന്ന് പരസ്യപ്പെടുത്തുകയാണ് ഇതുവഴി മുഖ്യമന്ത്രി.