ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ യൂട്യൂബ് വരിക്കാരുടെ എണ്ണം ഒരു കോടി കവിഞ്ഞു. 36 ലക്ഷം വരിക്കാരുമായി ബ്രസീല്‍ പ്രസിഡന്റ് ജെയര്‍ ബോള്‍സോനാരോയാണ് രണ്ടാംസ്ഥാനത്ത്. ഇന്ത്യയിലെ രാഷ്ട്രീയ നേതാക്കളില്‍ 5.25 ലക്ഷം യൂട്യൂബ് സബ്‌സ്‌ക്രൈബേഴ്‌സുള്ള രാഹുല്‍ ഗാന്ധിയാണ് മോദിക്ക് പിന്നിലുള്ളത്. ശശി തരൂര്‍ (4.39 ലക്ഷം), അസദുദ്ദീന്‍ ഉവൈസി (3.73 ലക്ഷം), എം.കെ സ്റ്റാലിന്‍ (2.12 ലക്ഷം), മനീഷ് സിസോദിയ (1.37 ലക്ഷം) എന്നിങ്ങനെയാണ് കണക്കുകള്‍. മോദിക്ക് ട്വിറ്ററില്‍ 7.53 കോടിയും ഇന്‍സ്റ്റാഗ്രാമില്‍ 6.5 കോടിയും ഫേസ്ബുക്കില്‍ 4.6 കോടിയും ഫോളോവേഴ്‌സ് ആണുള്ളത്.