ഭാരത് ജോഡോ യാത്രയില്‍ രാഹുല്‍ഗാന്ധിയുടെ സുരക്ഷ വര്‍ദ്ധിപ്പിക്കാന്‍ ഡല്‍ഹി പൊലീസ് തീരുമാനം. കോണ്‍ഗ്രസ് നേതൃത്തവുമായി നടത്തിയ ചര്‍ച്ചയ്ക്ക് പിന്നാലെയാണ് സുരക്ഷ വര്‍ദ്ധിപ്പിക്കാന്‍ തീരുമാനമെടുത്തത്.
ജനുവരി 3നാണ് രാഹുല്‍ ഗാന്ധി നയിക്കുന്ന ഭാരത് ജോഡോ യാത്ര ഡല്‍ഹിയില്‍ വീണ്ടും പുനരാരംഭിക്കുന്നത്. യാത്രക്ക് മുന്നോടിയായി സുരക്ഷ വര്‍ദ്ധിപ്പിക്കുന്നതായി ബന്ധപ്പെട്ട ചര്‍ച്ച ഡല്‍ഹി പോലീസിലെ ഉന്നത ഉദ്യോഗസ്ഥരുമായി കോണ്‍ഗ്രസ് നേതൃത്വം നടത്തിയിരുന്നു.
ഭാരത് ജോഡോ യാത്ര ഡല്‍ഹിയില്‍ എത്തിയപ്പോള്‍ സുരക്ഷ വീഴ്ച ഉണ്ടായി എന്ന കോണ്‍ഗ്രസിന്റെ ആരോപണങ്ങളാണ് സുരക്ഷ വര്‍ധിപ്പിക്കാന്‍ കാരണമായത്.