പുതുവത്സരാഘോഷത്തിനിടെ കൊല്ലം ബീച്ചില്‍ തിരയില്‍പ്പെട്ട് യുവാവിനെ കാണാതായി. അഞ്ചാലുംമൂട് സ്വദേശി അഖില്‍ (കണ്ണന്‍)നെയാണ് കാണാതായത്. പുതുവത്സരമാഘോഷിക്കുന്നതിന്റെ ഭാഗമായാണ് ഇവര്‍ ബീച്ചില്‍ എത്തിയത്. രാത്രി 12.30ഓടെയാണ് അപകടമുണ്ടായത്. അഖില്‍ അപകടത്തില്‍പ്പെട്ടകാര്യം കൂട്ടുകാര്‍ വളരെ വൈകിയാണ് അറിയുന്നത്. യുവാവിനെ കണ്ടെത്തുന്നതിന് വേണ്ടി മറൈന്‍ എന്‍ഫോഴ്‌സ്‌മെന്റും കോസ്റ്റല്‍ പൊലീസും തിരച്ചില്‍ തുടരുകയാണ്. അഞ്ചാലുംമൂട് കാഞ്ഞിരംകുഴി സ്വദേശി രാജേന്ദ്രന്‍-അനിത ദമ്പതികളുടെ മകനാണ് അഖില്‍.