തിരുവനന്തപുരം: സംസ്ഥാനത്ത് ഇന്നുമുതല്‍ വൈദ്യുതി നിരക്കില്‍ യൂണിറ്റിന് 19 പൈസയുടെ വര്‍ധന. യൂണിറ്റിന് 10 പൈസ ഇന്ധന സര്‍ചാര്‍ജ് ഈടാക്കാനാണ് സര്‍ക്കാര്‍ ഉത്തരവിറക്കിയത്. നേരത്തെ റെഗുലേറ്ററി കമ്മീഷന്‍ അനുമതി നല്‍കിയിരുന്ന 9 പൈസ കൂടിയാകുമ്പോള്‍ 19 പൈസയുടെ വര്‍ധനയാണ് ഉണ്ടാകുന്നത്.
അതേസമയം വൈദ്യുതി ബോര്‍ഡിന് റെഗുലേറ്ററി കമ്മീഷന്റെ മുന്‍കൂട്ടിയുള്ള അനുവാദമില്ലാതെ സ്വമേധയാ പിരിക്കാവുന്ന സര്‍ചാര്‍ജ് യൂണിറ്റിന് മാസം 10 പൈസയായി പരിമിതപ്പെടുത്തി കമ്മീഷന്‍ നേരത്തെ ഉത്തരവിറക്കിയിരുന്നു