മദീന: അന്ത്യപ്രവാചകന്‍ നബിതിരുമേനി അന്ത്യവിശ്രമം കൊള്ളുന്ന മദീനാ പള്ളിയിലും റൗളാഷരീഫിലുമായി കഴിഞ്ഞ ആറുമാസത്തിനകം 1.2 കോടി വിശ്വാസികള്‍ സന്ദര്‍ശിക്കുകയും പ്രാര്‍ത്ഥന നടത്തുകയും ചെയ്തു.
വിശ്വാസികളുടെ സൗകര്യത്തിനനുസരിച്ചു ഇവിടെ സംവിധാനങ്ങള്‍ സജ്ജീകരിച്ചിട്ടുള്ളതായി ഇരുഗേഹങ്ങളുടെയും പ്രസിഡന്‍ഷ്യല്‍ വിഭാഗം മേധാവി ശൈഖ് ഡോ.അബ്ദുല്‍റഹ്‌മാന്‍ അല്‍സുദൈസ് വ്യക്തമാക്കി.
കോവിഡ് കാലത്ത് കര്‍ശന നിയന്ത്രണങ്ങള്‍ ഏര്‍പ്പെടുത്തിയിരുന്നതുമൂലം ലോകത്തിന്റെ വിവിധഭാഗങ്ങളില്‍നിന്നുള്ള വിശ്വാസികള്‍ പുണ്യഭൂമിയിലെത്താന്‍ കഴിയാതെ വിഷമിക്കുകയായിരുന്നു.
എന്നാല്‍ കോവിഡ് കാലം കഴിഞ്ഞതോടെ ലോകത്തിന്റെ നാനാഭാഗങ്ങളില്‍നിന്നായി ലക്ഷക്കണക്കിനുപേര്‍
ഉംറ നിര്‍വ്വഹിക്കാനും റൗളാഷരീഫ് സന്ദര്‍ശിക്കാനുമായി എത്തിക്കൊണ്ടിരിക്കുന്നുണ്ട്.