ഇന്ത്യന്‍ മുന്‍ താരം ഗൗതം ഗംഭീര്‍ പുതിയ റോളുമായി ഐപിഎല്‍ ടീം കൊല്‍ക്കത്ത നൈറ്റ് റൈഡേഴ്‌സില്‍ തിരിച്ചെത്തി. ക്ലബിന്റെ ഉപദേശകനായാണ് കൊല്‍ക്കത്തയുടെ മുന്‍ നായകന്‍ കൂടിയായിരുന്ന ഗംഭീര്‍ തിരിച്ചെത്തുന്നത്. രണ്ട് വര്‍ഷത്തെ ലക്നൗ സൂപ്പര്‍ ജയന്റ്‌സുമായുള്ള കരാര്‍ ഗംഭീര്‍ അവസാനിപ്പിച്ചു.
ഗംഭീര്‍ ക്യാപ്റ്റനായിരുന്ന സീസണുകളില്‍ ടീം രണ്ടുതവണ കിരീടം നേടിയിരുന്നു. കെകെആര്‍ ടീം മെന്ററായി ഗംഭീറിനെ നിയമിച്ചതായി സിഇഒ വെങ്കി മൈസൂര്‍ പ്രഖ്യാപിച്ചു. നടനും ടീമിന്റെ സഹഉടമയുമായ ഷാറൂഖ് ഖാന്‍ ‘ക്യാപ്റ്റന്റെ തിരിച്ചു വരവ്’ എന്നാണ് ഗംഭീറിന്റെ തിരിച്ചു വരവിനെ വിശേഷിപ്പിച്ചത്.