ന്യൂഡല്‍ഹി: വാണിജ്യ പാചകവാതകത്തിന്റെ 25 രൂപ വര്‍ധിപ്പിച്ചു. 19 കിലോ വാണിജ്യ സിലിണ്ടറിന് ഇനി ഡല്‍ഹിയില്‍ 1,769 രൂപയാകും. വാണിജ്യ സിലിണ്ടറുകളുടെ വിലയില്‍ മാത്രമാണ് ഇപ്പോള്‍ വില വര്‍ധിപ്പിച്ചിരിക്കുന്നത്. ഗര്‍ഹിക ആവശ്യങ്ങള്‍ക്കായി ഉപയോഗിക്കുന്ന സിലിണ്ടറുകള്‍ക്ക് നിലവില്‍ തുക വര്‍ധിപ്പിച്ചിട്ടില്ല.
വാണിജ്യ ഗ്യാസിന്റെ വില വര്‍ധനയോടെ ഹോട്ടല്‍ ഭക്ഷണ ചെലവ് ഇനിയും ഉയരും. 2022 ജൂലൈയിലാണ് എണ്ണക്കമ്പനികള്‍ ഗാര്‍ഹിക സിലിണ്ടറിന്റെ വില അവസാനമായി വര്‍ധിപ്പിച്ചത്. കഴിഞ്ഞ വര്‍ഷം നാലു തവണയാണ് വാണിജ്യ സിലിണ്ടറിന്റെ വില വര്‍ധിപ്പിച്ചത്.