രാജ്യത്ത് രണ്ടാം ഘട്ട വോട്ടെടുപ്പ് പുരോഗമിക്കുന്നു. 12 സംസ്ഥാനങ്ങളിലായി 95 സീറ്റുകളിലും കേന്ദ്രഭരണ പ്രദേശമായ പുതുച്ചേരിയിലുമാണ് ഇന്ന് വോട്ടെടുപ്പ് നടക്കുന്നത്. കനത്ത പോളിങ്ങാണ് ഇതുവരെ രേഖപ്പെടുത്തിയത്.
കര്‍ണാടകയിലും ഒഡീഷയിലെ 35 നിയമസഭാ സീറ്റുകളിലേക്കും തമിഴ്‌നാട്ടിലെ 18 സീറ്റുകളിലേക്കുമുള്ള പോളിങ്ങും പുരോഗമിക്കുകയാണ്. 1,600 സ്ഥാനാര്‍ത്ഥികളുടെ വിധിയാണ് 15.80 കോടിയിലധികം വരുന്ന വോട്ടര്‍മാര്‍ ഇന്നു തീരുമാനിക്കുന്നത്.
തമിഴ്‌നാട്ടിലെ വെല്ലൂരില്‍ തെരഞ്ഞെടുപ്പ് റദ്ദാക്കിയതിനാല്‍ സംസ്ഥാനത്തെ മറ്റ് മണ്ഡലങ്ങളിലും പുതുച്ചേരിയിലും മാത്രമാണ് വോട്ടെടുപ്പ് നടക്കുക. ത്രിപുര ഈസ്റ്റിലെ വോട്ടെടുപ്പ് 23ലേക്ക് മാറ്റിയിട്ടുണ്ട്.