മുഹറം പ്രമാണിച്ച് മദിന പള്ളിയില്‍ ഏഴായിരം പരവതാനികള്‍ വിരിക്കും. മുഹറത്തോടനുബന്ധിച്ച് സുബ്ഹി നമസ്‌ക്കാരത്തിന്റെ സമയത്താണ് പരവതാനികള്‍ വിരിക്കുകയെന്ന് പള്ളി അധികൃതര്‍ വ്യക്തമാക്കി.
പകര്‍ച്ചവ്യാധിയുടെ പശ്ചാത്തലത്തില്‍ സുരക്ഷാ നടപടികളും ശാരീരിക അകലം പാലിക്കലും അനുസരിച്ച് ഓരോ പരവതാനിയിലും മൂന്ന് പേരെ മാത്രമേ അനുവദിക്കുകയുള്ളൂവെന്നും മറ്റുള്ളവരില്‍ നിന്ന് 180 സെന്റിമീറ്റര്‍ ദൂരം നിലനിര്‍ത്തുമെന്നും അധികൃതര്‍ പറഞ്ഞു. ഷെയ്ഖ് അബ്ദുള്‍ റഹ്മാന്‍ അല്‍ സുദൈസിന്റെ നിര്‍ദ്ദേശങ്ങള്‍ അനുസരിച്ചാണ് ഈ നീക്കമെന്ന് സൗദി ഗസറ്റ് റിപ്പോര്‍ട്ട് ചെയ്യുന്നത്.