ലക്‌നോ; ഉത്തര്‍പ്രദേശിലെ സീതാപൂരില്‍ 10ാം ക്ലാസുകാരന്‍ അധ്യാപകനു നേരെ വെടിയുതിര്‍ത്തു. നടു റോഡിലിട്ട് ആളുകള്‍ നോക്കി നില്‍ക്കെയായിരുന്നു അക്രമം. മൂന്നു തവണയാണ് വെടിയുതിര്‍ത്തത്. കണ്ടു നിന്നവര്‍ വിദ്യാര്‍ത്ഥിയെ പിടികൂടി തടഞ്ഞുവെക്കാന്‍ ശ്രമിച്ചെങ്കിലും രക്ഷപ്പെട്ടു. സംഭവത്തില്‍ കേസ് രജിസ്റ്റര്‍ ചെയ്തയായും പ്രതിക്കു വേണ്ടി തിരച്ചില്‍ തുടരുകയാണെന്നും പൊലീസ് പറഞ്ഞു.
ഗുരുതരമായി പരിക്കേറ്റ അധ്യാപകനെ ആദ്യം സീതാപൂരിലേയും പിന്നീട് ലക്‌നോവിലേയും ആശുപത്രിയില്‍ പ്രവേശിപ്പിച്ചു. സ്‌കൂളില്‍ വിദ്യാര്‍ത്ഥികള്‍ തമ്മിലുണ്ടായ തര്‍ക്കം പരിഹരിക്കാനെത്തിയ അധ്യാപകന്‍ പക്ഷം ചേര്‍ന്നതില്‍ പ്രകോപിതനായാണ് ആക്രമണം നടത്തിയതെന്നാണ് സൂചന.