പതിനാലുവയസുകാരനെ പൊലീസ് സ്റ്റേഷനില്‍ വിളിച്ചു വരുത്തി മര്‍ദ്ദിച്ചതായി പരാതി. ഡല്‍ഹി സ്വദേശിയ്ക്കാണ് മര്‍ദ്ദനമേറ്റത്. അതിഥി തൊഴിലാളിയുടെ പത്താം ക്ലാസ് വിദ്യാര്‍ഥിയായ മകനെയാണ് പൊലീസ് മര്‍ദ്ദിച്ചത്. ആലപ്പുഴ മണ്ണഞ്ചേരി പൊലീസ് സ്റ്റേഷനിലാണ് സംഭവം.
ലാത്തികൊണ്ട് അടിച്ച പാടുകള്‍ ശരീരത്തില്‍ ഉണ്ട്. വിദ്യാര്‍ഥിയെ പൊലീസ് 6 മണിക്കൂര്‍ കസ്റ്റഡിയില്‍ വച്ചെന്നും മാതാപിതാക്കളെ കാണാന്‍ അനുവദിച്ചില്ലെന്നും ആരോപണം ഉണ്ട്. പരുക്കേറ്റ കുട്ടി ചെട്ടികാട് ഗവ.ആശുപത്രിയില്‍ ചികില്‍സ തേടി.പ്രായപൂര്‍ത്തിയാകാത്ത ആളാണെന്ന് അറിയില്ലായിരുന്നു എന്നാണ് പൊലീസ് നല്‍കുന്ന മറുപടി.