തെരുവ് നായ്ക്കല്‍ ഒാടിച്ച് സൈക്കിളില്‍ നിന്ന് വീണ് വിദ്യാര്‍ഥിക്ക് പരിക്ക്. ചിയ്യാരത്തെ ജെറി യാസിന്റെ മകന്‍ 16കാരന്റെ എന്‍ കാരനായ എന്‍ ഫിനോവിനാണ് പരിക്കേറ്റത്. സൈക്കിളില്‍ നിന്നുള്ള വീഴ്ചയുടെ ആഘാതത്തില്‍ 3 പല്ലുകള്‍ കൊഴിഞ്ഞു. മുഖത്ത് പരിക്കേല്‍ക്കുകയും ചെയ്തു.
ട്യൂഷന്‍ കഴിഞ്ഞ് സുഹൃത്തിനൊപ്പം സൈക്കിളില്‍ വരികയായിരുന്നു ഫിനോ. ആക്രമിക്കാനെത്തിയ നായയില്‍ നിന്ന് രക്ഷപ്പെടാന്‍ ശ്രമിക്കുന്നതിനിടെ സൈക്കിള്‍ വൈദ്യുതി പോസ്റ്റില്‍ ഇടിച്ചുവീണു. തൃശൂരിലെ സ്വകാര്യ ആശുപത്രിയില്‍ ശസ്ത്രക്രിയക്ക് വിധേയനാക്കി തുടര്‍ ചികിത്സ നല്‍കി വരികയാണ്.
അതേസമയം, കണ്ണൂരില്‍ തെരുവ് നായ്ക്കളുടെ ആക്രമണത്തില്‍ നിന്ന് സ്‌കൂള്‍ വിദ്യാര്‍ത്ഥി രക്ഷപ്പെട്ടത് തലനാരിഴക്കായിരുന്നു. പുഴാതിയിലെ യുകെജി വിദ്യാര്‍ത്ഥി എ.പി ഇല്യാസിന് നേരെയാണ് തെരുവു നായകള്‍ പാഞ്ഞെടുത്തത്. ഇന്ന് വൈകിട്ട് അഞ്ചരയോടെയായിരുന്നു സംഭവമുണ്ടായത്.
നായകള്‍ കുഞ്ഞിനെ ഓടിക്കുന്നതും കുട്ടി ഓടി ഗേറ്റ് കടക്കുന്നതും ദൃശ്യങ്ങളില്‍ വ്യക്തമാണ്. കുട്ടി ഓടിക്കയറിയ ബന്ധുവിന്റെ വീട്ടിലുണ്ടായിരുന്ന മറ്റ് കുട്ടികള്‍ ശബ്ദം വെച്ചതോടെയാണ് നായകള്‍ മടങ്ങിയതെന്നും ദൃശ്യങ്ങളില്‍ നിന്നും വ്യക്തമാണ്. തെരുവ് നായയുടെ ആക്രമണത്തില്‍ കണ്ണൂരില്‍ ഒരു കുട്ടി മരിച്ച സംഭവത്തിന് പിന്നാലെയാണ് സമാന രീതിയില്‍ കുട്ടിയെ നായ ഓടിക്കുന്നതിന്റെ വീഡിയോ പുറത്ത് വന്നത്. കേരളത്തിന്റെ പല ഭാഗത്തുനിന്നും തെരുവുനായ ആക്രമണത്തിന്റെ നിരവധി വാര്‍ത്തകളാണ് സംബന്ധിച്ച് പുറത്തുവരുന്നത്.