കുന്ദമംഗലം : പെരിങ്ങൊളത്ത് മിൽമയുടെ പി ആൻഡ് ഐ ഓഫീസിലാണ് തീപിടുത്തമുണ്ടായത്. ഇന്നലെ രാത്രി ഏഴരയോടെയാണ് സംഭവം. ഫ്രീസറിലാണ് ആദ്യം തീ പിടിച്ചത്. പെട്ടെന്ന് തന്നെ തീ ആളിപ്പടരുകയായിരുന്നു.
ഓടിയെത്തിയ പരിസരവാസികൾ തീയണക്കാൻ ശ്രമിച്ചെങ്കിലും നിയന്ത്രണ വിധേയമാക്കാൻ സാധിച്ചില്ല. തുടർന്ന് വെള്ളിമാടുകുന്ന് നിന്നും എത്തിയ ഫയർ യൂണിറ്റ് അംഗങ്ങൾ ആണ് തീ അണച്ചത്.വൈദ്യുതി ഷോർട്ട് സർക്യൂട്ട് ആണ് തീപിടുത്തത്തിന് കാരണമെന്നാണ് പ്രാഥമിക നിഗമനം