വാഷിങ്ടണ്‍: പന്തെടുക്കാന്‍ പോയ ആറു വയസുകാരിയെ അയല്‍വാസി വെടിവെച്ചു.അമേരിക്കയിലെ നോര്‍ത്ത് കരോലിനയിലാണ് സംഭവം.
ബാസ്‌കറ്റ് ബോള്‍ പന്ത് മുറ്റത്തേക്ക് ഉരുട്ടിയതിന് ആറു വയസുള്ള പെണ്‍കുട്ടിയെയും അവളുടെ പിതാവിനെയും വെടിവെച്ച അക്രമിക്കുവേണ്ടി പൊലീസ് തിരച്ചില്‍ തുടരുന്നു. മറ്റ് രണ്ടുപേര്‍ക്കും വെടിവെപ്പില്‍ പരിക്കുണ്ട്. അയല്‍വാസിയായ റോബര്‍ട്ട് ലൂയിസ് സിംഗിള്‍ട്ടറി എന്ന 24കാരനാണ് വെടിവെച്ചത്. കുട്ടിയുടെയും പിതാവിന്റെയും പരിക്ക് ഗുരുതരമാണ്. കളിക്കിടെ ഉരുണ്ടുപോയ പന്ത് എടുക്കാന്‍ അയല്‍വാസിയുടെ മുറ്റത്തേക്ക് പോയപ്പോഴാണ് ഇവര്‍ക്ക് വെടിയേറ്റത്.