കൊച്ചി: നടിയെ ആക്രമിച്ച കേസില്‍ മൊഴി മാറ്റാന്‍ ഭീഷണിയുണ്ടെന്ന വെളിപ്പെടുത്തലുമായി മുഖ്യസാക്ഷി വിപിന്‍ ലാല്‍. ഇതു സംബന്ധിച്ച് അദ്ദേഹം പോലീസ് പരാതി നല്‍കി. ഫോണിലൂടെയും കത്തിലൂടെയും ഭീഷണിയുണ്ടെന്നാണ് പരാതി.
കേസിലെ മുഖ്യപ്രതി പള്‍സര്‍ സുനിയോടൊപ്പം തടവില്‍ കഴിയവേ സുനിക്ക് കത്തെഴുതി കൊടുത്തത് വിപിന്‍ലാലാണ്. ആലുവ ജയിലില്‍ നടന്ന ഫോണ്‍ വിളിയിലും പള്‍സര്‍ സുനിയ്ക്ക് ഇയാള്‍ ഒത്താശ ചെയ്തതായാണ് വിവരം.
നേരത്തെ, കേസില്‍ നാലു പേര്‍ നേരത്തെ മൊഴിമാറ്റിയിരുന്നു. ഇടവേള ബാബുവും നടി ഭാമയും അടുത്തിടെ മൊഴി മാറ്റിയത് വന്‍വിമര്‍ശനങ്ങള്‍ക്ക് വഴിവെച്ചിരുന്നു.