വ്യാജ രേഖ ചമച്ച കേസില്‍ അറസ്റ്റിലായ കെ.വിദ്യ ഒളിവില്‍ കഴിഞ്ഞത് സിപിഐഎം നേതാവിന്റെ വീട്ടിലെന്ന് കോഴിക്കോട് ഡിസിസി പ്രസിഡന്റ് കെ പ്രവീണ്‍കുമാര്‍. നേതാവിന്റെ പേര് താന്‍ വെളിപ്പെടുത്തുന്നില്ല. സിപിഐഎം ജില്ലാ കമ്മിറ്റിയും പൊലീസും വിദ്യക്ക് ഒളിവില്‍ കഴിയാന്‍ സഹായം നല്‍കിയെന്നും പ്രവീണ്‍ കുമാര്‍ ആരോപിച്ചു. മേപ്പയൂരില്‍ കോണ്‍ഗ്രസിന്റെ നേതൃത്വത്തില്‍ ഇന്ന് പ്രതിഷേധ പ്രകടനം നടത്തും.
കോഴിക്കോട്ടു നിന്ന് ദിവസങ്ങള്‍ക്ക് ശേഷമാണ് വിദ്യയെ ഇന്നലെ അഗളി പൊലീസ് കസ്റ്റഡിയിലെടുത്തത്. ഇവര്‍ ഇതിനകം കോടതിയില്‍ ജാമ്യഹര്‍ജി ഫയല്‍ചെയ്തിരുന്നു. മഹാരാജാസ് കോളജിന്‍രെ പേരില്‍ വ്യാജസര്‍ട്ടിഫിക്കറ്റ് ഉണ്ടാക്കിയാണ ്കാസര്‍കോട് സ്വദേശിയായ വിദ്യ സര്‍ക്കാര്‍ കോളജില്‍ ജോലി നേടിയത്.
ഇന്ന് ഉച്ചയോടെ വിദ്യയെ മണ്ണാര്‍ക്കാട് കോടതിയില്‍ ഹാജരാക്കും. അഗളി കോളജിലാണ് ഇവര്‍ വ്യാജരേഖ ഹാജരാക്കി അധ്യാപികയായത്. ഇവരുടെ രേഖ വ്യാജമാണെന്ന് കെ.എസ്.യു ആണ് പുറത്തുവിട്ടത്. മേപ്പയൂരില്‍ ഒളിവില്‍ കഴിയുന്നതിനിടെയാണ് പിടിയിലായത്. ഇവരെ കൂടാതെ എസ്.എഫ്.ഐ നേതാവ് നിഖിലിനെയും പിടികിട്ടാനുണ്ട്. ബിരുദസര്‍ട്ടിഫിക്കറ്റ് വ്യാജമായുണ്ടാക്കി കായംകുളം കോളജില്‍ പിജിക്ക് ചേരുകയായിരുന്നു ഈ നേതാവ്.