മുന്‍ മുഖ്യമന്ത്രി ഉമ്മന്‍ചാണ്ടിയുടെ വിയോഗത്തില്‍ അനുസ്മരിച്ച് മുസ്‌ലിം ലീഗ് സംസ്ഥാന അധ്യക്ഷന്‍ സയ്യിദ് സാദിഖലി ശിഹാബ് തങ്ങള്‍. ആ ജീവിതം തന്നെ അനശ്വരമായ ഓര്‍മ്മകളുടെ സഞ്ചാരമാണ്. മലയാളിയുടെ ജീവിത യാനത്തെ ഇത്രമേല്‍ സുരക്ഷിതമായി മുന്നോട്ടു നയിച്ച മറ്റൊരു മുഖ്യമന്ത്രിയെ നമുക്കു ചൂണ്ടികാണിക്കുവാനില്ല അദ്ദേഹം ഫെയ്‌സ്ബുക്കില്‍ കുറിച്ചു.
കുറിപ്പിന്റെ പൂര്‍ണ്ണരൂപം
അദ്ദേഹം പ്രതീക്ഷകളുടെ രാജാവായിരുന്നു. തന്റെ നാടിനും ജനതക്കും വേണ്ടി പ്രതീക്ഷാ നിര്‍ഭരമായിരുന്നു അദ്ദേഹത്തിന്റെ ഓരോ ചുവടുവെപ്പും.’അതിവേഗം ബഹുദൂരം’ എന്നത് ഒരുമുദ്രാവാക്യം മാത്രമായിരുന്നില്ല, അതു തന്നെയായിരുന്നു ആ ജീവിതത്തിന്റെ സന്ദേശവും.
നമുക്കു വിടചൊല്ലാനാവില്ല കാരണം അദ്ദേഹം നമ്മുടെ ഹൃദയങ്ങളിലെ മറക്കാനാവാത്ത ഓര്‍മ്മയാണ്.പരേതാത്മാവിന് നിത്യശാന്തി നേരുന്നു.