ന്യൂഡല്ഹി: ഗുജറാത്ത് വംശഹത്യയുമായി ബന്ധപ്പെട്ട് പ്രധാനമന്ത്രി നരേന്ദ്ര മോദിക്ക് എതിരായ ഡോക്യുമെന്ററിയുടെ രണ്ടാം ഭാഗം ബിബിസി ഇന്ന് സംപ്രേഷണം ചെയ്യും. ‘ഇന്ത്യ: ദ മോദി ക്വസ്റ്റ്യന്’ എന്ന ഡോക്യുമെന്ററിയുടെ ഒന്നാം ഭാഗത്തിന്റെ സംപ്രേഷണം ആഭ്യന്തര തലത്തില് വലിയ കോലിളക്കമാണ് സൃഷ്ടിച്ചത്. ഡോക്യുമെന്ററിയുടെ പ്രദര്ശനത്തിന് കേന്ദ്രസര്ക്കാര് ഇന്ത്യയില് വിലക്കുകയും ചെയ്തിരുന്നു. ഈ സാഹചര്യത്തിലാണ് ബിബിസി രണ്ടാംഭാഗം ഇന്ന് സംപ്രേഷണം ചെയ്യാന് ഒരുങ്ങുന്നത്.
ഗുജറാത്ത് വംശഹത്യയുമായി ബന്ധപ്പെട്ട കൂടുതല് വിവരങ്ങള് രണ്ടാംഭാഗത്ത് ഉണ്ടാകുമെന്നാണ് സൂചന. 2019ലെ തെരഞ്ഞെടുപ്പില് അടക്കം മോദി മുസ്ലീം വിരുദ്ധത സ്വീകരിച്ചുവെന്നും രണ്ടാംഭാഗത്തില് പറയുന്നതായി സൂചനയുണ്ട്. യു കെ വിദേശകാര്യ വകുപ്പിന്റെ അന്വേഷണ റിപ്പോര്ട്ടാണ് ഡോക്യുമെന്ററി പങ്കുവയ്ക്കുന്നത്.