തീറ്റ മത്സരത്തിനിടെ അമിതമായ അളവിൽ മോമോസ് കഴിച്ച യുവാവ് മരിച്ചു ബീഹാറിലെ ഗോപാല്‍ഗഞ്ചിലാണ് സംഭവം. ബിപിന്‍ കുമാര്‍ പാസ്വാര്‍ എന്ന ഇരുപത്തിയഞ്ചുകാരനാണ് മരിച്ചത്.സുഹൃത്തുക്കള്‍ തമ്മിലുള്ള മത്സരത്തിനിടയിലാണ് സംഭവം. വ്യാഴാഴ്ചയാണ് സംഭവം. കുറയധികം മൊമോസ് കഴിച്ചതിന് പിന്നാലെ യുവാവ് ബോധം കെട്ടുവീഴുകയായിരുന്നു. സുഹൃത്തുക്കള്‍ യുവാവിനെ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു. അതേസമയം സുഹൃത്തുക്കള്‍ ഭക്ഷണത്തില്‍ വിഷം കലര്‍ത്തിയതെന്നാണ് ബിപിന്‍ കുമാര്‍ പാസ്വാന്‍റെ പിതാവ് ആരോപിക്കുന്നത്. പോലീസ് അന്വേഷണം ആരംഭിച്ചു.