ബോംബ് ഭീഷണിയെ തുടര്‍ന്ന് പാരിസിലെ ഈഫല്‍ ടവറിന്റെ മൂന്നു നിലകളില്‍നിന്ന് ആളുകളെ ഒഴിപ്പിച്ചു. സംഭവത്തെ തുടര്‍ന്ന് പൊലീസും ബോംബ് സ്‌ക്വാഡും സ്ഥലത്തെത്തിയിട്ടുണ്ട്. പ്രാദേശിക സമയം ശനിയാഴ്ച ഉച്ചയോടെയാണ് മൂന്നുനിലകളും ടവറിനു തൊട്ടുതാഴെയുള്ള സ്ഥലത്തുനിന്നും ആളുകളെ ഒഴിപ്പിച്ചത്.
സമാന സാഹചര്യങ്ങളില്‍ ഇത്തരം നടപടികള്‍ സ്വീകരിക്കാറുണ്ടെന്നും എന്നാല്‍ അപൂര്‍വമാണെന്നും അധികൃതര്‍ പറഞ്ഞു. ഫ്രാന്‍സിലെ പ്രമുഖ ടൂറിസ്റ്റ് കേന്ദ്രമായ ഈഫല്‍ ടവര്‍ കഴിഞ്ഞ വര്‍ഷം 6.2 ദശലക്ഷം പേരാണ് സന്ദര്‍ശിച്ചത്. 1889ലാണ് ടവറിന്റെ നിര്‍മാണം പൂര്‍ത്തിയാക്കിയത്.