നിലമ്പൂര്‍: കൂട്ടുകാരനോടൊപ്പം ചാലിയാറില്‍ കുളിക്കുന്നതിനിടെ രണ്ടാം ക്ലാസ് വിദ്യാര്‍ഥി മുങ്ങിമരിച്ചു. മമ്പാട് കറുകണ്ണ മുണ്ടോണ്ടില്‍ ഷിജോയുടെ മകന്‍ ജോഷ്യാ ഷിജോയാണ് (8) മരിച്ചത്.
തുവ്വൂര്‍ അക്കരപ്പുറം എല്‍.പി സ്‌കൂള്‍ വിദ്യാര്‍ത്ഥിയാണ്. അമ്മവീട്ടില്‍ നിന്ന് അച്ഛന്റെ വീട്ടിലെത്തിയതാണ്. തിങ്കളാഴ്ച ഉച്ചയ്ക്ക് ഒന്നരയോടെയാണ് അപകടം. നാട്ടുകാരും എടവണ്ണയിലെ ഇ.ആര്‍.എഫും ചേര്‍ന്ന് മുങ്ങിയെടുത്ത് നിലമ്പൂര്‍ ജില്ലാ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.