കോവിഡ് മരണങ്ങളും ഭീതിയും വിട്ടൊഴിയുകയാണെന്ന സൂചന നൽകി കോവിഡ് കണക്കുകൾ. മൂന്ന് വര്‍ഷത്തിന് ശേഷം സംസ്ഥാനത്തെ പ്രതിദിന കോവിഡ് കേസ് പൂജ്യത്തില്‍ എത്തി.ഈ മാസം അഞ്ചാം തിയതിയിലെ കണക്കുകള്‍ പുറത്തുവന്നപ്പോഴാണ് കോവിഡ് കേസുകള്‍ പൂജ്യത്തിലെത്തിയത്. ഈ മാസം ഒന്നാം തിയതി 12 പേര്‍ക്കും രണ്ടാം തിയതി മൂന്ന് പേര്‍ക്കും മൂന്നാം തിയതി ഏഴ് പേര്‍ക്കും നാലാം തിയതി ഒരാള്‍ക്കുമായിരുന്നു കോവിഡ് കേസുകള്‍ റിപ്പോര്‍ട്ട് ചെയ്തിരുന്നത്.രാജ്യത്ത് ഇപ്പോള്‍ ആകെ 50ല്‍ താഴെ കോവിഡ് കേസുകള്‍ മാത്രമാണ് സ്ഥിരീകരിക്കുന്നത്. അഞ്ചാം തിയതി രാജ്യത്താകെ രേഖപ്പെടുത്തിയത് 45 പ്രതിദിന കോവിഡ് കേസുകള്‍ മാത്രമാണെന്ന് കേന്ദ്ര ആരോഗ്യ മന്ത്രാലയം അറിയിച്ചു.
മൂന്ന് വര്‍ഷത്തിന് ശേഷം സംസ്ഥാനത്തെ പ്രതിദിന കോവിഡ് കേസ് പൂജ്യത്തില്‍ :രാജ്യത്ത് ആകെ 50 ല്‍ താഴെ
Tags: covid +ve
Related Post