ഷൂട്ടൗട്ടില് ജപ്പാനെ പരാജയപ്പെടുത്തി ക്രൊയേഷ്യ ക്വാര്ട്ടറില്.3-1 എന്ന സ്കോറിനാണ് ഷൂട്ടൌട്ടില് ക്രൊയേഷ്യ വിജയിച്ചത്. ജപ്പാന്റെ മൂന്ന് ഷോട്ടുകള് തടഞ്ഞ് ഗോളി ഡൊമിനിക് ലിവാകോവിച്ച് ആണ് ക്രൊയേഷ്യന് വിജയത്തിന് കാരണമായത്. നിശ്ചിത സമയത്തും അധിക സമയത്തും 1-1 എന്ന സ്കോര് ആയതിനാലാണ് ഷൂട്ടൌട്ടിലേക്ക് നീണ്ടത്. ഈ ലോകകപ്പില് ആദ്യമായാണ് ഒരു മത്സരം അധിക സമയത്തേക്കും ഷൂട്ടൗട്ടിലേക്കും നീണ്ടത്.
ജപ്പാന് വേണ്ടി ആദ്യപകുതിയില് ഡേയ്സണ് മയിദ (43)ആണ് ഗോള് നേടിയത്. എന്നാല് ഇവാന് പേരിസെച്ചിലൂടെ ക്രൊയേഷ്യ ഗോള് തിരിച്ചടിക്കുകയായിരുന്നു. എന്നാല് 90 മിനിട്ട് കഴിഞ്ഞപ്പോഴും കളി സമനിലയില് തന്നെ തുടര്ന്നു. തുടര്ന്ന് എക്സ്ട്ര ടൈം 30 മിനിറ്റ് കളിച്ചെങ്കിലും ഇരു ടീമുകള്ക്കും സ്കോര് ചെയ്യാനായില്ല. തുടര്ന്നാണ് പെനാല്റ്റിയില് എത്തിയത്.