പേരാവൂര്‍: കണ്ണൂരില്‍ ആദിവാസി യുവതി പുഴയില്‍ വീണ് മരിച്ചു. പേരാവൂര്‍ ചെക്കേരിയിലെ തെനിയാടന്‍ ജയേഷിന്റെ ഭാര്യ ജിനി ജയേഷാണ് (26) മരിച്ചത്. ചെക്കേരിക്കും ചെമ്പുക്കാവിനുമിടയിലെ കോടനോടന്‍ പുഴയിലാണ് അപകടം ഉണ്ടായത്.
തിങ്കളാഴ്ച വൈകീട്ട് നാല് മണിയോടെ ബന്ധുവീട്ടില്‍ പോയി വരുന്ന വഴി ചെമ്പുകാവ് വനത്തിനുള്ളിലെ പുഴയില്‍ വീഴുകയായിരുന്നു.
വള്ളിയാടന്‍ ചന്ദ്രന്റെയും ചെന്നപ്പോയില്‍ ദേവികയുടെയും മകളാണ്. സഹോദരങ്ങള്‍: ജിത്തു, ജയേഷ്. മൃതദേഹം തലശേരി ജനറല്‍ ആസ്പത്രി മോര്‍ച്ചറിയില്‍.