മിസൈല്‍ നശീകരണ കപ്പലായ ഐഎന്‍എസ് മോര്‍മുഗാവോ രാജ്യത്തിന് സമര്‍പ്പിച്ച് പ്രതിരോധമന്ത്രി രാജ്‌നാഥ് സിംഗ്. ചീഫ് ഓഫ് ഡിഫന്‍സ് സ്റ്റാഫ് (സിഡിഎസ്) ജനറല്‍ അനില്‍ ചൗഹാന്‍, നാവികസേനാ മേധാവി അഡ്മിറല്‍ ആര്‍ ഹരികുമാര്‍, മറ്റ് പ്രമുഖര്‍ എന്നിവരുടെ സാന്നിധ്യത്തിലാണ് ഐഎന്‍എസ് മോര്‍മുഗാവോ കമ്മീഷന്‍ ചെയ്തത്.
ഇന്ത്യയില്‍ നിര്‍മ്മിച്ച ഏറ്റവും ശക്തമായ യുദ്ധക്കപ്പലുകളില്‍ ഒന്നാണ് ഐഎന്‍എസ് മോര്‍മുഗാവോ എന്ന് പ്രതിരോധ മന്ത്രി രാജ്‌നാഥ് സിംഗ് പറഞ്ഞു. ലോകത്തിലെ ഏറ്റവും നുതന സാങ്കേതിക മിസൈലാണെന്നും അദേഹം കൂട്ടിച്ചേര്‍ത്തു.