വിവാഹ സല്‍ക്കാരത്തിനിടെ ഉപയോഗിച്ച പ്ലേറ്റുകള്‍ അതിഥികളുടെ ദേഹത്ത് തട്ടിയതിനെ തുടര്‍ന്നുണ്ടായ അടിപിടിക്കിടെ മര്‍ദനമേറ്റ വിളമ്പുകാരന്‍ മരിച്ചു. 26കാരനായ പങ്കജ് ആണ് മരിച്ചത്.
ഉത്തര്‍പ്രദേശിലെ ഗാസിയാബാദില്‍ പസ്റ്റ റോഡിലെ സി.ജി.എസ് വാടിക ഗെസ്റ്റ്ഹൗസില്‍ നവംബര്‍ 17നാണ് സംഭവം. സല്‍ക്കാരത്തിന് ഉപയോഗിച്ച പ്ലേറ്റുകളുള്ള ട്രേ പങ്കജ് കൊണ്ടുപോകവേ അതിഥികളുടെ ദേഹത്ത് തട്ടുകയായിരുന്നു. ഇതേ തുടര്‍ന്നുണ്ടായ തര്‍ക്കത്തിനിടെ പങ്കജിനെ ചിലര്‍ മര്‍ദിക്കുകയായിരുന്നു.
മരിച്ചതോടെ മൃതദേഹം കാട്ടിലേക്ക് വലിച്ചെറിഞ്ഞു. പിറ്റേ ദിവസം മൃതദേഹം കണ്ടെത്തിയതിനെ തുടര്‍ന്ന് നടത്തിയ അന്വേഷണത്തിലാണ് സംഭവം പുറത്തറിഞ്ഞത്. കരാറുകാരനായ മനോജ് ഗുപ്തയുടെ കീഴിലായിരുന്നു പങ്കജ് ജോലി ചെയ്തിരുന്നത്. ഇയാളും പങ്കജിനെ മര്‍ദിച്ചിരുന്നു. സംഭവത്തില്‍ മനോജ് ഗുപ്ത ഉള്‍പ്പെടെ മൂന്നുപേരെ പൊലീസ് കസ്റ്റഡിയിലെടുത്തു.