കണ്ണൂരിലെ ആറളം ഫാമിൽ ഇന്നലെ കാട്ടാന ആക്രമണത്തിൽ ഒരാൾ മരിച്ചതിൽ പ്രതിഷേധിച്ച് ആറളം പഞ്ചായത്തിൽ രാഷ്ട്രീയ പാർട്ടികൾ ആഹ്വനം ചെയ്ത ഹർത്താൽ പുരോഗമിക്കുന്നു.എൽ ഡി.എഫും യു.ഡി.എഫും ബി ജെ പിയുമാണ് ഹർത്താൽ നടത്തുന്നത്. ഇന്നലെ ഉച്ചയ്ക്ക് ശേഷം വിറക് ശേഖരിക്കുന്നതിനിടെയാണ് കാട്ടാനയുടെ ആക്രമണത്തിൽ പ്രദേശവാസിയായ രഘു കണ്ണൻ മരിച്ചത്.
രഘു കണ്ണൻ്റ മൃതദേഹം ഇന്ന് ഉച്ചയോടെ ആറളം ഫാമിൽ സംസ്കരിക്കും. രഘു കണ്ണൻ്റ മക്കളുടെ വിദ്യാഭ്യാസച്ചെലവുകൾ സർക്കാർ ഏറ്റെടുക്കുമെന്ന് മന്ത്രി കെ.രാധാകൃഷ്ണൻ. അറിയിച്ചു.
നാട്ടിലിറങ്ങുന്ന അക്രമകാരികളായ കാട്ടാനകളെ തിരിച്ച് വനത്തിലേക്ക് കയറ്റിവിടാനുള്ള നടപടികൾ ഉണ്ടാകുമെന്ന് വനം മന്ത്രി എ.കെ. ശശീന്ദ്രൻ അറിയിച്ചു. കാട്ടാന അക്രമത്തിൽ കൊല്ലപ്പെട്ട രഘുവിന്റെ കുടുംബത്തിന് ഉടൻ നഷ്ടപരിഹാരം നൽകുമെന്നും അദ്ദേഹം പറഞ്ഞു.