കൊല്ക്കത്ത: സെന്ട്രല് കൊല്ക്കത്തയിലെ ബാഗ്രി മാര്ക്കറ്റില് അഞ്ചു നില കെട്ടിടത്തില് തീപ്പിടിത്തം. ഇന്നു പുലര്ച്ചെ 2.45 ഓടെയാണ് തീപ്പിടിത്തമുണ്ടായത്. അര്ധരാത്രി ആളൊഴിഞ്ഞ സമയത്താണ് തീപിടിത്തമുണ്ടായത്. അതിനാല് വന് ദുരന്തം ഒഴിവായി.
അഗ്നിശമന സേന അഞ്ചു മണിക്കൂര് പ്രവര്ത്തിച്ചിട്ടും തീ നിയന്ത്രണ വിധേയമാക്കാന് സാധിച്ചിട്ടില്ല. ഇപ്പോഴും ശ്രമം തുടരുകയാണ്. കെട്ടിടത്തിന്റെ താഴെ നിലയില് നിന്നാണ് തീ പടര്ന്നതെന്നാണ് കരുതുന്നത്. മെഡിക്കല് ഷോപ്പുകള്, ജ്വല്ലറികള്, ഫാന്സി കടകള് എന്നിവയാണ് കെട്ടിടങ്ങളില് പ്രവര്ത്തിച്ചിരുന്നത്.