മലപ്പുറം:ജില്ലയിൽനിന്നും അഞ്ചുപേരെ കാപ്പ ചുമത്തി നാട് കടത്തി.നിരവധി ക്രിമിനൽ കേസുകളിലെ പ്രതികളായ അഞ്ച് പേരെ കാപ്പ ചുമത്തി ജില്ലയിൽ നിന്ന് നാട് കടത്തി.
പാണ്ടിക്കാട് പന്തല്ലൂർ കിടങ്ങയം സ്വദേശി കിഴക്കുപറമ്പൻ അബ്ദുൽ ഹഖ് (26), മങ്കട കൂട്ടിലിലെ നായ്ക്കത്ത് ഷറഫുദ്ധിൻ (35), ചോക്കാട് വാളക്കുളം ലക്ഷം വീട് കോളനിയിലെ മുതുകുളവൻ ഫായിസ് (25), പരപ്പനങ്ങാടി നെടുവ ചാപ്പപടിയിലെ പൂഴിക്കാരന്റെ പുരക്കൽ വീട്ടിൽ ഷറഫുദ്ധിൻ (29), എടവണ്ണ കുണ്ടുതോടിലെ അരിമ്പ്ര അയൂബ് (44) എന്നിവരെയാണ് കാപ്പ നിയമപ്രകാരം ആറ് മാസത്തേക്ക് ജില്ലയിൽ നിന്ന് നാട് കടത്തിയത്.
മലപ്പുറം എസ് പി സുജിത്ത്ദാസിന്റെ റിപ്പോർട്ട് പ്രകാരം ഉത്തര മേഖലാ ഐ.ജി നീരജ് കുമാർ ഗുപ്തയാണ് ഉത്തരവിറക്കിയത്