ആലപ്പുഴ∙ ട്രെയിൻ യാത്രക്കിടെ വിദേശവനിതയെ അപമാനിച്ച കേസിൽ ആലപ്പുഴ ജില്ലാ ലോട്ടറി ഓഫിസർ അറസ്റ്റിൽ. തിരുവനന്തപുരം സ്വദേശി പി.ക്രിസ്റ്റഫർ (55) ആണ് റെയിൽവേ പൊലീസിന്റെ പിടിയിലായത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ഇന്നലെ രാവിലെ തിരുവനന്തപുരം- കോഴിക്കോട് ജനശതാബ്ദി ട്രെയിനിലാണ്് സംഭവം. ട്രെയിനില്‍ ഉറങ്ങുകയായിരുന്ന വിദേശ വനിതയോട് ആലപ്പുഴ എത്താറായപ്പോള്‍ ക്രിസ്റ്റഫര്‍ മോശമായി പെരുമാറുകയായിരുന്നു.
ഇതേത്തുടർന്ന് ട്രെയിൻ എറണാകുളത്ത് എത്തിയപ്പോൾ റെയിൽവേ പൊലീസിൽ പരാതി നൽകുകയായിരുന്നു. ആലപ്പുഴ റെയിൽവേ സ്റ്റേഷൻ പരിധിയിലാണ് സംഭവം നടന്നതെന്ന് അന്വേഷണത്തിൽ വ്യക്തമായി. തുടർന്ന് റെയിൽവേ പൊലീസ് ക്രിസ്റ്റഫറിനെ അറസ്റ്റ് ചെയ്യുകയായിരുന്നു.