പാരീസ്: ഫ്രഞ്ച് ഓപ്പണ്‍ പുരുഷ സിംഗിള്‍സില്‍ ഇന്നലെ നടന്ന മത്സരത്തില്‍ നൊവാക് ജോക്കോവിച്ചിന് ജയം. അഞ്ചാം സീഡ് ഗ്രീക്ക് യുവതാരം സ്‌റ്റെഫനോസ് സ്റ്റിസ്റ്റിപാസിനെ തോല്‍പിച്ചാണ് ജോകോവിച്ച് ഫൈനലില്‍ പ്രവേശിച്ചത്. കലാശപ്പോരില്‍ റഫേല്‍ നദാലുമായി ഏറ്റുമുട്ടും. ഞായറാഴ്ച ഇന്ത്യന്‍ സമയം വൈകുന്നേരം 6.30നാണ് ഫൈനല്‍ മത്സരം.
സെമിയില്‍ ഗ്രീസിന്റെ അഞ്ചാം സ്റ്റെഫാനോസിനെ അഞ്ചു സെറ്റുകള്‍ നീണ്ട പോരാട്ടത്തിലാണ് ജോകോവിച്ച് തോല്‍പിച്ചത്. ആദ്യ രണ്ടു സെറ്റുകള്‍ വിജയിച്ച ജോക്കോവിച്ചിനെതിരെ മൂന്നും നാലും സെറ്റില്‍ തിരിച്ചടിച്ച് സ്‌റ്റെഫനോസ് കടുത്ത പോരാട്ടമാണ് നടത്തിയത്. അഞ്ചാം സെറ്റില്‍ അതിശക്തമായ തിരിച്ചുവരവിലൂടെ ജോക്കോവിച്ച് വെറും ഒരു ഗെയിം മാത്രമാണ് എതിരാളിക്ക് സമ്മാനിച്ചത്.
അതേസമയം നിലവിലെ ഫ്രഞ്ച് ഓപ്പണ്‍ ചാമ്പ്യനായ സ്‌പെയിനിന്റെ റഫേല്‍ നദാലിനെയാണ് ജോകോവിച്ച് നേരിടേണ്ടി വരിക. അര്‍ജന്റീനയുടെ ഡിയഗോ ഷ്വാട്ട്്‌സ്മാനെ തോല്‍പിച്ചാണ് നദാല്‍ ഫൈനലില്‍ പ്രവേശിച്ചത്.
ജോക്കോവിച്ചിന്റെ കരിയറിലെ 27ാം ഗ്രാന്റ്സ്ലാം ഫൈനലാണ് ഇത്.