മുന്‍മന്ത്രി ജി. സുധാകരനെ മെഡിക്കല്‍ കോളേജ് സൂപ്പര്‍ സ്‌പെഷ്യാലിറ്റി ബ്ലോക്ക് ഉദ്ഘാടനത്തിന് ക്ഷണിക്കാത്തതില്‍ അതൃപ്തി പ്രകടിപ്പിച്ച് ഫെയ്‌സ്ബുക്ക് പോസ്റ്റ്. വഴിയരികിലെ ഫ്‌ലക്‌സല്ല ജനഹൃദയങ്ങളിലെ സ്ഥാനമാണ് പ്രധാനം. ചരിത്രനിരാസം ചിലര്‍ക്ക് ഇഷ്ടപ്പെട്ട മാനസികവ്യാപാരമാണെന്നുംഅദ്ദേഹം പ്രതികരിച്ചു. കെ.കെ ശൈലജയേയും കെ.സി വേണുഗോപാലിനേയും ഒഴിവാക്കിയതിനെതിരേയും സുധാകരന്‍ പ്രതികരിച്ചു.
‘മെഡിക്കല്‍ കോളേജിനായി പ്രവര്‍ത്തിച്ച ചിലരെ പരിപാടിയില്‍ നിന്നും ഒഴിവാക്കി എന്ന് മാധ്യമങ്ങള്‍ പരാതിപ്പെടുന്നു. ഒഴിവാക്കേണ്ട കാര്യമില്ലായിരുന്നു. ശൈലജയെയും ഉള്‍പ്പെടുത്താമായിരുന്നു. ആദ്യവസാനം മുന്നില്‍ നിന്ന എന്നെ ഓര്‍ക്കാതിരുന്നതില്‍ എനിക്ക് പരിഭവമില്ല. ജനോപകാരമായ സമൂഹത്തിനു വേണ്ടിയുള്ള വികസനങ്ങളില്‍ ഭാഗഭാക്കാവാന്‍ കഴിഞ്ഞതിനുള്ള ചാരിതാര്‍ഥ്യമാണുള്ളത്.’ എന്നും അദ്ദേഹം കുറിച്ചു.