ഹിന്ദുത്വ റാലിയില്‍ വാളും വടിയുമേന്തി പെണ്‍കുട്ടികള്‍. മധ്യപ്രദേശിലെ സാരംഗ്പൂരിലാണ് സംഭവം. ഹിന്ദുത്വ ഗ്രൂപ്പ് ആയ ഹിന്ദു ജാഗ്രണ്‍ മഞ്ച് നടത്തിയ സ്ത്രീകളുടെ റാലിയിലാണ് ചെറിയ പെണ്‍കുട്ടികള്‍ വാളുയര്‍ത്തി ഘോഷയാത്ര നടത്തിയത്.
ജനുവരി 7നായിരുന്നു ഘോഷയാത്ര. 10 വയസ്സ് മുതല്‍ പ്രായമുള്ള പെണ്‍കുട്ടികളാണ് ഘോഷാത്രയിലുള്ളത്. വെള്ള കുര്‍ത്തയും കാവി ഷാളുമണിഞ്ഞ് ജയ് ശ്രീറാം വിളിച്ചായിരുന്നു ഇവരുടെ റാലി. പൊലീസിന്റെ സാന്നിധ്യത്തിലാണ് റാലി നടന്നതെന്നാണ് വിവരം. സംഭവത്തിന്റെ വീഡിയോ ഇതിനോടകം തന്നെ വ്യാപകമായി പ്രചരിക്കപ്പെട്ടിട്ടുണ്ട്. ബി.ജെ.പി ഭരണമുള്ള സംസ്ഥാനമാണ് മധ്യപ്രദേശ്. മോഹന്‍ യാദവ് ആണ് മുഖ്യമന്ത്രി.