ആലുവയില്‍ ഒന്‍പത് വയസുകാരിയെ പീഡിപ്പിച്ച കേസിലെ പ്രതി തിരുവനന്തപുരം ചെങ്കല്‍ സ്വദേശി ക്രിസ്റ്റില്‍ വിചിത്ര സ്വഭാവത്തിന് ഉടമയെന്ന് പൊലീസ്. കൊടും ക്രിമിനലായ ഇയാള്‍ കഞ്ചാവിനും മയക്കുമരുന്നിനും അടിമയാണെന്നാണ് അമ്മ പറയുന്നു.
നിരവധി മോഷണകേസില്‍ പ്രതിയായ ഇയാള്‍ മൊബൈല്‍ ഫോണുകള്‍,ലാപ്‌ടോപ്,കോഴി തുടങ്ങിയവയൊക്കെ
മോഷ്ടിക്കാറുള്ളതായി പറയുന്നു. പകല്‍ വീട്ടില്‍ ചെലവഴിച്ച് രാത്രിയാണ് ക്രിസ്റ്റില്‍ മോഷണത്തിനിറങ്ങുന്നത്. ചെങ്കലിലെ വീട്ടില്‍ മോഷ്ടിച്ച ഫോണുകളുടെ വന്‍ശേഖരമെന്നാണ് കണ്ടെത്തിയിരിക്കുന്നത്. കൂടാതെ മാനസികാസ്വാസ്ത്യമുള്ള സ്ത്രീയെ ബലാത്സംഗം ചെയ്ത കേസിലും പ്രതിയാണ് എന്നാണ് ലഭിക്കുന്ന വിവരം.
അതേസമയം ആലുവ പീഡനക്കേസില്‍ പ്രതിയെ പൊലീസ് പിടികൂടി. പെരിയാര്‍ ബാര്‍ ഹോട്ടലില്‍ നിന്നാണ് പ്രതി പിടിയിലായത്.
തിരുവനന്തപുരം നെയ്യാറ്റിന്‍ക്കര ചെങ്കല്‍ സ്വദേശി ക്രിസ്റ്റില്‍രാജിനെയാണ് പൊലീസ് പിടികൂടിയത്. ഇയാള്‍ സ്ഥിരം കുറ്റവാളിയാണ്. എറണാകുളം ജില്ലയില്‍ മാത്രം ഇയാള്‍ക്കെതിരെ 10 കേസുകളുണ്ട്.
ഇന്ന് പുലര്‍ച്ചെയാണ് ഒമ്പത് വയസുകാരിയെ തട്ടിക്കൊണ്ടുപോയി പീഡിപ്പിച്ചത്. പ്രതിയുടെ സി.സി.ടി.വി ദൃശ്യങ്ങളില്‍നിന്ന് പൊലീസിന് പ്രാഥമിക സൂചനകള്‍ ലഭിച്ചിരുന്നു. പ്രതിയെ കുട്ടിയും ദൃക്‌സാക്ഷിയും തിരിച്ചറിഞ്ഞതാണ് പൊലീസിന് സഹായകരമായത്.