ഇടുക്കിയില്‍ പനി ബാധിക്കുന്ന പന്നികളുടെ എണ്ണം ദിവസവും കൂടിവരികയാണ്. ആഫ്രിക്കന്‍ പന്നിപ്പനി ബാധിച്ച പഞ്ചായത്തുകളിലെ 69 പന്നികളെ കൊന്നു.ഇന്നലെയും ഇന്നുമായാണ് കരിമണ്ണൂര്‍ വണ്ണപ്പുറം കഞ്ഞിക്കുഴി പഞ്ചായത്തില്‍ 69 പന്നികളെ കൊന്നത്. വാഴത്തോപ്പ് പഞ്ചായത്തിലെ കൊക്കരക്കുളത്തുള്ള പന്നിഫാമില്‍ 25 പന്നികള്‍ ഇന്നലെ ചത്തിരുന്നു.
ആഫ്രിക്കന്‍ പന്നിപ്പനി എന്ന് സംശയമുണ്ട്. സാമ്പിളുകള്‍ പരിശോധനയ്ക്ക് അയച്ചു.ഫാമില്‍ അസുഖ ലക്ഷണമുള്ള പന്നികളെ കണ്ടാല്‍ സമീപത്തെ മൃഗാശുപത്രിയില്‍ റിപ്പോര്‍ട്ട് ചെയ്താല്‍ മറ്റ് പന്നികളിലേക്ക് അസുഖം ബാധിക്കാതെ നോക്കാം. പലപ്പോഴും ആളുകള്‍ റിപ്പോര്‍ട്ട് ചെയ്യാത്ത പ്രശ്‌നങ്ങളുണ്ട്. രോഗം ബാധിച്ച പന്നികളെ വില്‍ക്കുകയോ കൊല്ലുകയോ ചെയ്യരുതെന്നും മൃഗസംരക്ഷണ വകുപ്പ് നിര്‍ദേശം നല്‍കിയിട്ടുണ്ട്.