തൃശൂര്: ആലത്തൂരില് യു.ഡി.എഫ് സ്ഥാനാര്ഥിയായി മത്സരിക്കുമെന്ന വാര്ത്തകള് തള്ളി മുന് ഫുട്ബോള് താരം ഐ.എം വിജയന്. രാഷ്ട്രീയക്കാരനാകാന് തനിക്ക് താത്പര്യമില്ലെന്നും തെരഞ്ഞെടുപ്പില് മത്സരിക്കില്ലെന്നും ഐ.എം വിജയന് പറഞ്ഞു.
കോണ്ഗ്രസ് നേതാക്കള് പലവട്ടം ചര്ച്ചകള് നടത്തിയിരുന്നു. എല്ലാ രാഷ്ട്രീയ നേതാക്കളുമായി നല്ല ബന്ധമാണുള്ളത്. അത് കൊണ്ട് തന്നെ ഏതെങ്കിലും ഒരു രാഷ്ട്രീയ പാര്ട്ടിയുടെ ആളായി അറിയപ്പെടാന് താല്പ്പര്യമില്ല. ആളുകള് തന്നെ ഇഷ്ടപ്പെടുന്നത് പന്ത് കളിക്കാരനായാണെന്നും രാഷ്ട്രീയക്കാരനായിട്ടല്ലായെന്നും അദ്ദേഹം കൂട്ടിച്ചേര്ത്തു.
ജോലിയും ഫുട്ബോളും സിനിമയുമായി മുന്നോട്ട് പോകാനാണ് ആഗ്രഹം. ജോലിയില് നിന്ന് വിരമിച്ച ശേഷമുള്ള കാര്യങ്ങള് അപ്പോള് തീരുമാനിക്കുമെന്നും അദ്ദേഹം കൂട്ടിച്ചേര്ത്തു.